Nadal chawl rih dawn

Rafael Nadal chu amah enkawltu doctor-in chawl hahdam rih tura thurawn a pek avangin a chawl rih dawn a, karleha khelh tur Rotterdam Open aṭangin a inhnukdawk.

Grand Slam vawi 14 champion tawh Nadal chuan, "Tennis ka khelh leh hmain chawlh ka ma­mawh a, ṭha taka ka in­khelh zel theih zawk nan ka hahdam rih a ngai, doc­tor thurawn angin ka la inkhel rih dawn lo," tiin a sawi.

Spain tlangval chuan sawi chhunzawmin, "Season hmasa khan hliam vangin tournament ṭhenkhat ka khel thei lo a, tun season-ah erawh beisei ang ngeiin ṭha takin bul ka ṭan thei. Ka khelhṭhat theih chhan chu min enkawltute thu ka awih vang a ni a, tun ṭumah pawh hian an thurawn hi ka zawm a ngai," a ti.

Rotterdam Open-a seeded pakhatna tur Stan Wawrinka chu a khup na avangin a lo inhnukdawk tawh bawk.