Huntharin semifinal an lut

Zothan Autoworks Pro Volleyball League khelh laiah Hunthar chuan semifinal an lut, vawi hnih champion tawh hi kuminah pawh khel ṭha chhunzawm lehin knockout stage lut hmasa ber dinhmun an luah leh ta.

R. Dengṭhuama Indoor Stadium, Mualpuiah Thawhṭanni zan khan Hunthar hian Chhinga Veng Spikers chu 25-22, 31-29, 25-21 in an hneh. Inelna neih laiah match thum khel tawhin an la chak vek, table hmahruaitu an ni.

Hunthar hian an hmaa ding apiang an hneh zel, season danga an ngam theih loh Durtlang North pawh an hneh thei tawh, champion lai Spikers lakah set hloh loa hnehna an chan leh theih avangin team dang tan hmachhawn an châkawm lo ang.

D3 Business Player of the Night atana thlan Gagan Kumar-a'n point 27 a thawk chhuak a, point 14 neitu Laldensanga a khelh ṭha bawk. Anni pahnih bakah hian Zomuansanga leh Lalramnunfela te an langsar bawk.

Chak lo Chhinga Veng hi mualpho zel thei dinhmunah an ding, match thum an khelh tawhah an la tlawm vek. Chak ni hmel hmu loa inelna mangṭha mai pawh thil hlauhawm a ni ta. May 20, Zirtawpni zanah Tuichangral an hmachhawn leh ang.

Fixtures & Result
Zanin Inkhel Tur - Hmeichhia
Kanan 08:00 PM Bungkawn

Thawhṭan Zan - Mipa
Hunthar 3 - 0 Chhinga Veng
(25-22, 31-29, 25-21) Spikers
D3 Business Player of the Night: Gagan Kumar, Hunthar

May 19, Ningani
Hunthar 08:00 PM TNT

May 20, Zirtawpni
Chhinga Veng 08:00 PM Tuichangral
Spikers

May 21, Inrinni
Durtlang North 08:00 PM TNT