Thiem a la chak thei lo

Hliam na tak a tawrh chuan Dominic Thiem a la nghawng zel. A hliam hi dam tawh mah se, a dam hnua match a khelh lehah chak ni hmel a la hmu miah lo! Geneva Open khelh laiah hneh nei loin a zinkawng a tawp leh ta.

Thawhṭan zan inkhelah Thiem hi Marco Cecchinato lakah 6-3, 6-4 in a chak lo, a hneh loh hi world number 134 daih a nih a, mualphona a tling. Chutih rualin a inkhelh tam loh avangin Thiem pawh number 194 a nih mek avangin thil mak tak erawh a ni hran lo.

Australian star hi a banrek hliam zai a ni a, season khat deuh thaw a inkhel thei lo. A hliam dam hnuah pawh a inkhel mumal thei lo chhunzawm, kuminah match nga khel tawhin chak ni hmel a la hmu miah lo a ni.

May 26 aṭangin French Open khelh a ni dawn, tun hma lama final a luh tawhna Roland Garros atan Thiem-a'n inbuatsaihna a nei ṭha tawk lo. A ranking a hniam bawk avangin atan thlensan a harsa ang.