Sawi hlawh takin De Randamie a champion

Germaine de Randamie chu UFC chanchina hmeichhe feather­weight champion hmasa ber a ni. Dutch fighter De Randamie hian batamweight champion hlui Holly Holm chu unanimous decision-in a hneh.

Pathianni zing khan Barclays Center, Brooklyn, New York-ah UFC 208 neih a ni a, hmeichhe feather­weight chu a vawi khat nan neih a ni. Title fight-ah hian bantamweight champion Ronda Rousey hnehtu a nih avanga Mizote hriat lar Holm hi chungnung hretin lang mah se De Randamie hian round 2 leh 3-ah bell rik hnuah American fighter Holm hi chiang takin a hnek.

Title fight hi round nga khelh a ni a, mawi lo taka De Randamie chetdan avang hian Holm hi a talbuai phah. Main event bika referee Todd Anderson-a tawnhriat tam lohna a lang a, ṭum hnih ngawt a ṭhelh tlai a, thil thleng pahnihah hian point a paih sak lo ve ve bawk.

Judge pathumin De Randamie hi 48-47 in an chaktir vek a, Dutch fighter hi hrem se chuan result dang thei a ni. Featherweight champion De Randamie chuan, "Boruak san lai kha a ni a, ka chetdanah ngaihdam ka dil e. Khatiang kha ka rilru put hmang a ni lo," tiin a sawi.

UFC 208 - Results
Weight class Chak Chak lo Chak Dan Round Time
Women's Featherweight Germaine de Randamie Holly Holm Decision (unanimous) (48-47, 48-47, 48-47) 5 5:00
Middleweight Anderson Silva Derek Brunson Decision (unanimous) (29-28, 29-28, 30-27) 3 5:00
Middleweight Ronaldo Souza Tim Boetsch Submission (kimura) 1 3:41
Light Heavyweight Glover Teixeira Jared Cannonier Decision (unanimous) (30-26, 30-26, 30-26) 3 5:00
Lightweight Dustin Poirier Jim Miller Decision (majority) (28-28, 30-27, 29-28) 3 5:00