Germany-ah Mizo naupang che ṭha

January thla laihawl khan Mizoram Football Association chuan U Dream leh Tata Trust-te ṭangkawpin Germany-a football zir tura a thlan Mizo rawlthar 17 leh coach Lalchhuanawma-te a thlah a, heng player-te hi an che ṭha chhunzawm zel.

Inrinni khan Tata Trusts U Dream Football U16 chuan FC Sal­mrohr chu 4-2 in an hneh a, Mizo naupang pathum Lalchhanchuaha, Lalchungnunga leh Moses Lalrinzuala ten goal khat ṭheuh an khung. U Dream Football U15 team-in FC Salmrohr U15 chu 5-0 in an sawp bawk. FC Salmrohr hi German club a ni a, kum 1921 daiha din tawh kha niin fifth division an ni.

U Dream Football U17 chu Luxembourg-ah inkhelin an zin bawk a, February 9 khan Luxembourg Na­tional U16 lakah 0-5 in an chak lo. Nimin khan Under 17 team hian Lu­xem­bourg club JSG Canach an hma­chhawn a, result kan hre hman lo.