Serchhipah Hmar Veng an thiam ber

District Championship 2017, Serchhip DFA buatsaiha neih chu Inrinni khan final khelh a ni a, Hmar Veng FC chuan 1-0 a New Serchhip hnehin Serchhip DFA hnuaia district leh zone champion inelnaah a thiam ber an ni. Hmarveng hian Serchhip DFA aiawhin MFA Cup an khel ang.

Khawtetlang khelmuala in­khelah hian minute 85-naah goal a lut chauh a, he inkhela goal awmchhun hi New Serchhip player Lalruatmawia'n an lama a tih luh palh a ni. Hmar Veng hian no­mawi an chawi bakah fair play chawimawina pek an ni bawk a, New Serchhip tan match nga inlana goal li khungtu H. Ralkapzauva chu top scorer niin Vengchung FC midfielder Lalchawimawia chu best player a ni.