Joe Hart a chhuak dawn

Premier League club Burnley chuan Joe Hart contract an pawtsei dawn lo tih an sawi chiang a, tun thla tawpah chuan England goalkeeper hi a duh lam hawiin a thlawnin a chhuak thei dawn tihna a ni.

Kum 33 mi Hart hian 2018 khan Manchester City aṭangin Clarets hi pound maktaduai 3.5 in a zawm a, a tir lamah chuan a chungah rinna an nghat ngam. Mahse nikum December thla khan Everton 5-1 in an ngam lo a, a hmun hloh zui nghalin a hnu lamah match thum bak a khel tawh lo.

Tun dinhmunah chuan Burnley tan Nick Pope chu rinrawl a ni a, Pope inhliam karah Hart inlan mah se a dinhmun a hum zo lo. Pope bakah hian Bailey Peacock-Farrell an la nei bawk.

A vanglaia keeper ṭha pangngai tak Hart hi tun hnaiah a vanduai. Pep Guardiola-a'n Man City a enkawl tirh khan a duh lo a, Italian club Torino lamah loan hmangin a chhuahtir a, a hnu lamah pawh beisei a phak lo zui zel.