All India Civil Services Badminton Tournament

All India Civil Services Badmin­ton Tournament chu nimin khan R. Dengṭhuama Hall, Mualpuiah neih ṭan a ni a, February 18 thleng a awh ang.

India ram state hrang hranga sorkar hnathawkte, force lam tellova inelnaah hian State leh UT hrang hrang 31 aṭangin sawrkar hnathawk infiammi 380 vel an tel a, mipa team 34 leh hmeichhe team 25 an tel.

Mizoramin kum 1997, 2004 leh 2012-ah te a lo thlen tawh AICS Badminton-ah hian Mizoram chu team hnihin an chhuak a, Civil Services team bikah player 19, manager pakhat leh coach pakhat awmin, Regional Sports Board ah player 16, manager pakhat leh coach pakhat an awm a, players zinga 11 chu hmeichhia an ni.