Larry-a'n goal hnih a khung

Tata Trusts U Dream Football U17 chuan Pa­thianni khan Luxem­bourg club JSG Canach chu 3-1 in an hneh. Leng­­pui rawlthar Larry Lalrinawma'n goal hnih khungin Aniket Varekar-a'n goal khat a khung ve bawk.

U Dream leh Tata Trust-te ṭangkawp­in Ger­many-a football zir turin Mizo rawlthar 17 leh coach Lalchhuanawma te an tir a, mumal takin trai­ning an nei ṭan tawh. Mizo naupang te hi an kum azirin category hrang hrangah ṭhen an ni a, Un­der 17 team bik hian Luxembourg an tlawh.

Lengpui rawlthar Larry-a telna team hian Luxembourg National U16 chu match hmasa berah 0-5 in an hneh lo a, JSG Canach lakah erawh Tata Trusts U Dream Football Team hi an chungnung thung.