An ramah Dimitrov champion

Pathianni zan khan Grigor Dimitrov chuan David Goffin lakah 7-5, 6-4 a hnehna changin Garanti Koza Sofia Open nomawi a chawi a, kuminah ATP Tour title pahnih a lakna chiah a ni bawk.

Kum 25-a upa Dimi­trov hi tun season-ah a khel ṭha tluang hle a, Australian Open semi­final-a Rafael Nadal a hneh lo tih loh kha chu chak loh a la nei lo, match 14 hnehna a chang tawh.

Dimitrov hian kum 2015 leh 2016 khan nomawi pakhatmah a chawi lo a, kumina a khelh ṭhat tluan avangin tunkara ranking chhuak thar berah chuan world number 12 a ni leh tawh ang.

Dimitrov chuan, "Mah­ni chenna hmunah ngei nomawi chawi hi a nuam bik hle a, min ṭan­tu ten kartluanin min pui ṭha em em bawk. Hmun danga hlawhtlinna chan aiin min ngainatute awmna hmuna hnehna chan hi chu a nuam danglam bik," tiin a sawi.