Virat Kohli hoin India an chak

India chuan test captain Virat Kohli kaihhruaina hnuaia match 19 chhung tlawm hmel an hmuh lohna ni turin Bangladesh chu nimin khan run 208-in an hneh a, Kohli hian 1st innings-ah run 204 zet vaw chhuakin test cricket chanchina match li chhung a zawna double century siam thei hmasa ber dinhmun a luah.

1st Innings-ah India hian over 166-ah run 687 an siam a, wicket ruk chiah hloh mah se chak an duh avangin an declare. Bangladesh hian over 127.5-ah run 388 siamin an out vek thung a, 2nd innings-ah India hian over 29-ah run 159 siama mi pali an hloh tihin chak theihna zat run an siam tawhah inngaiin vawm an thlang. Bangladesh hian over 100.3-ah run 250 siama an out vek avangin a tlawm zawkah an ṭang ta a ni.