Magpies-in Sheffield an sawp

Season thara Champions League khelh tum Sheffield United tan Premier League top four dinhmun a hla zel a, Pathianni zan khan Newcastle United chuan 3-0 in an sawp!

Second half ṭan aṭanga minute nganaah defender pawimawh John Egan chu a yellow card pahnihna a hmuh avangin hnawhchhuah a ni a, hei hian inkhel boruak a thlak danglam zui. 

Tam zawk nichunga khel Magpies hian Egan hnawhchhuah a nih aṭanga minute nga hnu lawkah Allan Saint-Maximin hmangin goal an khung a, Matt Ritchie leh Joelinton ten goal khat ve ve khung leh bawkin 3-0 in an chak. 

Egan hi first half-ah Joelinton nen an intihbuai avangin yellow card pek a ni a, second half-ah Joelinton laka a foul avangin a yellow card pahnihna pek a ni zui. 

Sheffield-in an tlawm avangin point sarih ngawtin top four an hlat ta a, Magpies-in hnehna an chan avangin point 11-in relegation zone an chhuk thlir thung. Nilaini zan dar 10:30 hian Sheffield-in Manchester United hmachhawn turin Old Trafford an tlawh dawn a, keeper Dean Henderson chuan amah neitu United hi a hmachhawn thei lo ang.