India U17 coach tur zawng ṭan

India U17 coach tur zawng ṭanAll India Football Federation (AIFF) chuan India U17 coach Nicolai Adam an ban hnuah a aiawh tur zawn hna an thawk ṭan nghal. Khawvel hmun hrang hrang aṭangin India coach hmunruak dil hi an awm nia sawi ni mah se, a thlang turin committee pahnih din a ni dawn.

Indian FA secretary Kushal Das chuan, "Com­mittee pahnih kan din dawn a, pakhat chu AIFF Advisory Committee tih an ni ang. He committee-ah hian Bhaichung Bhutia (Chairman, Technical Committee of the AIFF), Abhishek Yadav (COO, India Under-17 team), Kishore Taid (Head of Strategic Planning, AIFF) leh keimah kan ni ang a, an thlan chhuah chu thutlukna siam tur committee sang berah an thlen leh ang," a ti a, AIFF president Praful Patel chuan India U17 coach thar chuan India international hlui Bhaichung Bhutia leh Abhishek Yadav puihna an mamawh tur thu a lo sawi tawh a ni.

Kushal Das chuan thutlukna siam tur com­mission-ah chuan Sports Authority of India (SAI) hotute pawh an tel tur thu leh Sports secretary Injeti Srinivas chu chairman a nih tur thu a sawi.

India coach tur zingah hian Bengaluru boss hlui Ashley Westwood hming a ri ring hle. British coach hian tunah Ma­laysian Super League club Penang FA a enkawl mek.