Goa-ah Santosh Trophy final round
AIFF-in Santosh Trophy final round khelhna tur hmun a tichiang a, Goa-ah India ram state-te tana football inelna sang ber hmawr bawkna neih a ni dawn.
Inelna hi March 12-25 chhunga khelh tur niin final round lut pha team 10 chu group hnihah ṭhenhran an ni.
Mizoram chu Group B-ah Kerala, Maharashtra, Railways leh Punjab te nen an awm ho a, Group A-ah champion lai Services bakah Goa, Meghalaya, West Bengal leh Chandigarh te an awm ve bawk.
Mizoram hian final round lut turin qualifier-ah Manipur leh Tripura an hneh a, hemi hnu hian NM Gupta football-ah an champion leh tawh. Coach Lalsangzuala Hmar hote hi a zawnin vawi riat an chak tawh a, final round erawh a awlsam phah lo ang.
Mizoram hian nikum khan Railways an draw avang leh Maharashtra si khata an ngam loh avangin semifinal an lut pha lo. Kum 2015 khan Mizoramin Kerala hi goal khatin an hneh hram a, chak lo zawk Kerala pawh hian semifinal an lut tho. Hemi ṭum hian champion lai Mizoram chu semifinal-ah Punjab penalty-a hneh loin an tla.
Santosh Trophy-ah Mizoram hi kum 2014 khan a vawi khat nan an champion a, hemi hnu hian final an lut leh tawh lo.
Group A
Services, Goa, Meghalaya, West Bengal, Chandigarh
Fixtures
March 12, Thawhṭanni
Meghalaya Vs Goa
Chandigarh Vs West Bengal
March 14, Thawhlehni
West Bengal Vs Services
Chandigarh Vs Meghalaya
March 16, Ningani
Services Vs Chandigarh
Goa Vs West Bengal
March 18, Inrinni
Goa Vs Chandigarh
Meghalaya Vs Services
March 20, Thawhṭanni
West Bengal Vs Meghalaya
Services Vs Goa
Group B
Mizoram, Kerala, Maharashtra, Railways, Punjab
Fixtures
March 13, Thawhṭanni
Mizoram Vs Maharashtra
Punjab Vs Railways
March 15, Nilaini
Railways Vs Kerala
Punjab Vs Mizoram
March 17, Zirtawpni
Kerala Vs Punjab
Maharashtra Vs Railways
March 19, Pathianni
Maharashtra Vs Punjab
Mizoram Vs Kerala
March 21, Thawhlehni
Railways Vs Mizoram
Maharashtra Vs Kerala