Hmeichhe champion Eastern Sporting Union

15th February, 2017

Nimin khan Indian Women's League final-ah Eastern Sporting Union-in Kamala Devi goal hnih (32’, 66’) leh Prameshwori Devi (57’) te goal hmangin Rising Student 3-0 in an sawp.

Inelna hi Ambedkar Stadium, Delhi-ah khelh a ni a, Manipur club ESU hian an champion avangin nuai 10 an dawng. Pahnihna Rising Student-in nuai nga an dawng thung.

Emerging player award atana thlan Rising Star forward Jabamani Tudu-in Rs 75,000 a dawng a, ESU midfielder Umapati Devi chu most valuable player-ah thlan niin Rs. 1,25,000 a dawng bawk. Manipur nula Kamala Devi chuan goal 11 khungin top scorer a ni a, ESU forward hian nuai khat a dawng.