Kvitova tan kan hlan - Strycova

Barbora Strycova chuan Czech Republic-in Fed Cup semifinal an luh chu nikum December thla a, ama chenna ina chemte hmanga beih tawk Petra Kvitova tan an hlan thu a sawi chhuak.

Champion lai Czech Republic hian kartawp khan Spain 3-0 a hnehin a sang pali zingah an inhklang kai a, tun hnai kum sarih chhunga a vawi ruk nan champion an tum - Germany 3-0 a hnehtu USA nen an inhmachhawn leh ang.

Ram leh ram hmei­chhe tennis team hmanga inelna Fed Cup semifinal lehlamah Belarus leh Swit­zerland an inkhel bawk dawn a ni. Hmeichhe teamin Fed Cup an khel ang hian mipa team in Davis Cup an khel ṭhin thung.

Nikum December thla khan Wimbledon vawi hnih champion tawh Kvitova chu a chenna inah chemte hmanga beih a ni a, a hliam hi zai niin thla ruk chung chu tennis a khel thei dawn lo a ni.

World number 17 Strycova chuan, "Hnehna kan chan hi Kvitova tan kan hlan. Ram tan theih­tawp a lo chhuah tawh ṭhin a, a hnathawhte kha nitin hian kan hre chhuak thar leh ṭhin, ṭha taka inkhel leh thei turin dam thuai turin kan duhsakna kan hlan," tiin a sawi.