England test captain thar Joe Root

Joe Root chu nimin khan England test captain thar atan ruat a ni. Kum 26-a upa batsman hian kar hmasa lawka England test captain a nihna aṭanga a ban thu sawitu Alastair Cook hmunruak a luah dawn a ni.

England hian July-ah South Africa chu Lords-ah test series khel turin an mikhual dawn a, Root hian an ram chanchina test captain 80-na ni turin England hi a kaihruai ang. Root hian kum 2015b aṭang tawh khan England test team-ah hian vice captain dinhmun a chelh a, Cook a inhnuhdawh takah chuan captain din­hmun hial a luah dawn ta.

Joe Root hian De­cem­ber 2012-ah khan England tana a test match hmasa ber a khel a, run 4,594 siam tawhin test a khelh ve hnuah a aia test match a run siam hnem an la awm lo. December 2012 hnuah vek hian international cricket inelna hrang hrangah Root hian India captain Virat Kohli chiah run siam hnemah a tluk lo.

England test captain thar ruat hna hi England director of cricket Andrew Strauss chuan a kalpui a, Root bakah hian all-rounder Ben Stokes, pace bowler Stuart Broad leh one-day vice-captain Jos Buttler te chu rawn vek an ni.