Nuggets lakah Warriors an tlawm

NBA regular season kal mekah nimin zing khan Golden State War­riors chu Denver Nuggets lakah 132-110 in an tlawm. Golden State hi tun season-ah vawi kua an chak lohna chiah a ni a, ṭum 46 an chak tawh thung.

Season hmasa khan Warriors hian match 73 hnehna changin NBA record an lo siam tawh a, an record nih rual tur chuan inkhelh hmabak 27 an la neihah hnehna an chan vek a ngai tawh dawn tihna a ni.

Western Conference champion Golden State tan hian Kevin Durant chuan court chhungah minute 26 a inlan aṭangin point 25 a score hman a, MVP vawi hnih ni tawh Stephen Curry-a'n beisei a phak lo hle thung. Durant nen an hun hman inzatah Curry hiand point 11 bak a nei ve hman lo!

Nuggets tan hian player pathum Will Bar­ton (24points), Juan Her­nangomez (27) leh Jameer Nelson (23) ten an thawhhlawk hle a, tun season-a a vawi 25 nan hnehna an chang a, vawi 30 chak loh an nei tawh thung.