Kushal Das-a'n contract thar a ziak

All India Football Federation (AIFF) general secretary Kushal Das chuan kum 2019 thleng a hna ngai chelh turin contract thar a ziak. AIFF-ah hian general secretary bik hi thlan ni loin ruat an ni ṭhin a ni.

December 2016-a a contract hmang zo tawh Kushal Das hian October 2010 khan general secretary kal chhuak Alberto Colaco hmunruak luahin AIFF hi a luhchilh ṭan a, AIFF lama a inhman hma hian International Cricket Council-ah chief financial officer dinhmun a chelh tawh bawk.

Kushal Das hi India-in kumin World Cup U17 a thlen theih nana tha thawhhlawk ber zinga mi niin Sports Authority of India (SAI) leh AIFF thawhdunna kawngah a thawhhlawk hle a, Asian Football Confederation (AFC) Awards 2016 a AIFF-in AFC Developing Member Association of the Year award an dawn theih nan leh FICCI Best National Sports Federation 2014 AIFF-in a dawnna kawngah a hming ṭha hle.