Coventry-ah Yakubu a lut

League One mawng­phaha awm mek Coventry City chuan Nigerian stri­ker Yakubu Aiyegbeni chu free transfer-in an lalut. Kum 34-a upa stri­ker hian Turkish club Kay­­serispor chu season hma­sa khan a chhuahsan a, hemi hnuah hian club dang nei loin a awm reng a ni.

Coventry boss Russell Slade chuan, "Yakubu kan lalut thei hi kan lawm takzet a, tawnhriat nei ngah tak niin a goal khung tawh zat record ringawt pawh hi a ropuiin match hnih dana goal khung zel ang a ni," tiin a striker thar chu a chhuang hle.

Kum 2007-a Everton-in pound maktaduai 11.25 a Middlesbrough aṭanga an lakluh tawh Yakubu hian Premier League-ah season ruk chhung chu club pali tan season tin goal 10 aia tam a khung ziah a, English football-ah league match 293 khela goal 114 khung tawhin a goal khung tam zawk hi top flight-a Portsmouth, Middlesbrough, Everton, Leicester City, Blackburn Rovers leh Reading tana a khelh laia a khung a ni.