Samuel-a goal-in Lajong chakpui zo lo

Shillong Lajong striker Samuel Lalmuan­puia'n East Bengal khel­mualah goal khung mah se Meghalaya club hi khualmualah hnehna a chanpui zo lo a, Kolkata club nen goal khat ve ve khungin an inhnehtawk.

Zemabawk rawlthar Samuel-a'n inkhel ṭan aṭanga minute 20-na lekah Bipin Singh ball siamsak chu fing taka tlanlutin a tauh lut a, rin loh zawkin hma an hruai. Mahse, players nei ṭha zawk East Bengal-in minute 45-naah an striker chhuanvawr Willis Plaza hmangin an si phurh an sut. Hun tawp thlengin team pahnihin goal an khung tawh lo a, champion tum East Bengal an tawlhthlu.

East Bengal tan Lal­rindika Ralte chuan cap­tain armband hreng chungin Lajong a hma­chhawn a, Shil­long club tan Isaac Van­mal­sawma leh Samuel Lal­muanpuia an inlan bawk.

Nimin tlai I League inkhel dangah Minerva Punjab chuan an mikhual DSK Shivajians chu goal khung loin an in­hneh­tawkpui bawk. Pune club tan ṭum dang ang bawkin Jerry Lalrinzuala'n inkhel bul a ṭan a, Lal­lianzuala Chhangte chu minute 78-naah tlan luhtir a, Lunglei tlangval hian chakna goal khung theihna tur a hlah.

Team Dinhmun
# Team Pld W D L GF GA GD Pts
1 East Bengal 9 6 3 0 18 4 14 21
2 Mohun Bagan 7 5 2 0 12 3 9 17
3 Aizawl FC 9 5 2 2 12 9 3 17
4 Shillong Lajong 9 4 1 4 11 12 -1 13
5 Bengaluru FC 8 3 3 2 14 8 6 12
6 DSK Shivajians 9 2 4 3 8 8 0 10
7 Chennai City 9 2 2 5 6 13 -7 8
8 Minerva Punjab 9 1 4 4 4 14 -10 7
9 Churchill Brothers 9 1 3 5 6 12 -6 6
10 Mumbai FC 8 2 0 6 6 14 -8 6