Manchester City rawlthar Jesus a hliam na

Manchester City forward Gabriel Jesus chu a kephah chung ruh hliam vangin a chawl rei dawn, a chawlh chen tur hi la chiang thei rih lo mah se tun season-ah a inkhel leh a nih pawhin season tawp lamah bak a inlan theih a beiseiawm tawh lo.

Thawhṭanni zan khan Vitality Stadium-ah Man City hian Bournemouth 2-0 in an luhchhuah a, kum 19-a upa Jesus hi minute 15-na lekah a hliam vang hian lakchhuah a ni.

City chuan thuchhuah siamin, "Jesus hian a ke ruhah hliam a tawk ngei a, a dinhmun hi chiang taka sawi theih a la ni lo. Endik a ni ang a, chumi hnuah a chawlh chen tur a chiang ang," an ti.

Brazil international Jesus hian January thla a City a pan hnuah player langsar a ni phak nghal, pound maktaduai 27 man Jesus hian match nga a khelh aṭangin goal thum a khung tawh.

Jesus hian West Ham leh Swan­sea lakah inkhel bul ṭanin goal a khung ve ve a, City player zingah striker Emmanuel Adebayor leh midfielder Kevin de Bruyne te hnung zuia inkhel bul an ṭan hmasak pathuma goal khung thei vek nih theihna hun ṭha a neih chu hliam vangin a bawhpelh ta a ni.