Match zawng zawngah chak kan tum - Hendo

Liverpool captain Jordan Henderson chuan an hmabaka Premier League match 13 la awma hnehna chan vek chu an tum a nih tur thu a sawi. English midfielder chuan, "Season ṭan ni aṭanga kan sawi chu match zawng zawnga hnehna chan a ni. Mahse, kan beisei anga thil a kal loh chang a awm a, kan match hmabak 13-ah tal erawh hnehna kan chak vek a ṭul tawh," a ti.

Kum 26-a upa midfielder chuan sawi chhunzawmin, "Kan team-ah players ṭha tak tak, rilru huaisen leh tumruh tak tak kan kawl ṭeuh a, mah se hei hi a sawi mai ni loin a taka lantir a hun tawh a ni," a ti a, kum 2017-a an chet chhiat chhanah player-te chu mawhphurtu ber an nih thu a sawi tel bawk.

England international chuan, "January-ah EFL leh FA Cup aṭangin kan tla a, mawhphurtu chu keimahni kan ni. Keimahni mai piah lamah manager leh fan-te beiseina kan ti chuai a, kan thiam lo a ni. Tottenham Hotspur lakah hnehna kan chang leh tawh a, Spurs laka kan khelh ṭhat kha kan chhawn nun zel a ṭul tawh dawn a ni," tiin hawikir thei an nih tawh loh thu a sawi.