FA-in Hull City thubuai siamsak

Football Association chuan Hull City chu khelmual chhunga an naute chet dan an thunun ṭhat tawk loh avangin thubuai an siamsak. Hull City hian karhmasa khan Premier League inkhelah Arsenal chu 2-0 in an ngam lo a, Arsenal full-back Kieran Gibbs-a'n winger Lazar Markovic a tihtluk vangin referee bulah Tigers players an tlan khawm a, FA danah player-ten referee an bawr nasat lutuk hi phal a ni lo.

FA chuan inkhel minute 55-naa thil thleng avang hian Hull chu an player te chet dan thunun tawk loah an ngai a, thubuai hi an siamsak ta a ni. Hull hian thubuai siamsak an nihna hi an khinglet duh a nih chuan Zirtawpni zan thleng hian hun an nei dawn a, an khinletna pawm a ni lo emaw an khinglet lo a nih chuan hrem an nih dan tur hi ngaihtuah nawn leh tur a ni ang.