Chennai leh Churchill inhnehtawk

Thawhlehni zan khan Chennai City chuan Churchill Brothers an mikhual a, team pahnih hi goal khat ve ve khungin an inhnehtawk. Coach thar V. Soundararajan kaihhruaina hnuaiah Chennai hian match hnih khelin point li an hlawh chhuak tawh.

Churchill Brothers erawh Aizawl FC laka an tlawm hnuah an la insiamṭha leh rih lo a, Thawhlehni zan inkhelah pawh hian goal khung hmasa zawk siin an goal neihsa an venghim zo lo. Mualpuia Aizawl FC hmachhawn lo, Leicester City leh Sunderland a trial lo nei tawh Brandon Fernandes chuan inkhel bul ṭanin Red Machine (Churchill sawina) tan minute 63 na lekah goal khung mah se an hlim authawm pawh a reh fel hmain mualneitu team tan Charles de Souza chuan minute hnih hnu lawkah an si phurh sutna goal a khung ve lehnghal a ni.

Tualchhung players a chhawr ṭhat duh loh vanga ban tak Robin Charles Raja chhuah hnuah Chennai City-in Tamil Nadu chhuak players ni lo an hmang meuh lo a, Goan club an mikhual zanah pawh Mizo player paruk lai kawl chungin squad-ah Mizo tlangval an awm lo.