Hliam vanga training zawm thei lo Lukaku

Everton striker Ro­me­lu Lukaku chuan tun kar chhunga Du­bai a training nei tur an squad chu hliam vangin a zawm ve thei dawn lo a, UAE lam kal aiah hian an ram Belgium-ah hawin a chawn hliam enkawl turin doctor a rawn dawn a ni.

Kum 23-a upa striker hliam hi na tak erawh a ni lo a, February 25 zanah Sunderland nen Premier League match an khelh hunah inlan lehnghal thei tura beisei a ni. Belgium international hian tun season-ah inelna hrang hrangah match 26 khelin goal 17 a khung leh der tawh a, Everton tana Premier League goal khung hnem ber Duncan Ferguson-a'n a lo siam tawh nihrual turin goal khat chiah a mamawh tawh bawk.

Scottish striker palian Duncan hian Everton tan season 11 a khelh chhung­in Premier League goal 60 a khung sak a, Lukaku hian Merseyside club tan hian season li chiah a la khel thung!