Wenger hma hun chiang lo

Arsenal manager Arsene Wenger hmalam hun chu season tawpah tih chian a ni chauh dawn.

Kum 20 chhung Gun­ners manager ni tawh Wenger hian kum 2004 hnuah league nomawi a la chawi leh lo a, a zawna a season sarih nan Champions League last 16-a tla thei dinhmunah an ding mek. A kaihhruaina hnuaiah tun hnai kum 12 chhungin FA Cup pahnih bak chawi an nei lo.

French manager Wenger hian tun season tawp thleng bak contract a nei tawh lo a, tunah hian club thuneitu lam chuan pawtsei turin contract thar an zawrh. Mahse, thu chu a taka chantir theih a la ni lo thung.

Premier League lamah Chelsea leh Wat­ford an hneh loh hnuah hmahruaitu Blues an phak lohna chu point 10 a ni mek a, Antonio Conte naute umphak tur chuan thil mak a thlen a ngai tawh.

Bayern Munich 5-1 a an hneh loh hnuah Wenger hmalam hun hian sawi zui a hlawh zual a, khawthlang thuthar thehdarhtute chuan season tawpah chauh a dinhmun hi a chian tur thu an sawi thung.