Jeje-a boot-ah JJ12

India striker Jeje Lalpekhlua chu a ballboot-ah Nike-in 'JJ12' an chhut kai sak. Indian footballer zingah chuan Sunil Chhetri tih loha hetiang duhsakna thleng hmasa ber a ni.

Hnahthial tlangval Jeje chuan, "Nike kut chhuak boot-ah hian ka duh ang ka thlang. Boot rawng (colour) te, stud awm dan leh a hrui awm dan thlengin ka duh ka thlang. Hming inziah danah ka duh ka thlang bawk," tiin palai a hrilh.

Mariners striker Jeje-a thlan boot Mercurial Superfly hi lei tur chu ni se Rs 33,000 man bawr vel a ni.

Jeje hian American company lian Nike nen inremna an ziak a, kum lina a hmang mek. Mohun Bagan leh India tana jersey no. 12 ha hian Nike aṭangin an kut chhuak engpawh a mamawh ang zat a la thei a ni.

Tunah hian Jeje hi Nike nen kum ngana atan an indawr mek a, Germany company lar pahnih Adidas leh Puma lamin an hel ve mek bawk.