Liverpool tan Gerrard inlan dawn

Steven Gerrard chuan kum 2015-a Los Angeles Galaxy a chhuahsan hnua a vawi khat nan Liverpool jersey a ha leh dawn. Tun ṭum erawh charity game atan a ni thung. March 25 khian Reds legend team chuan Real Madrid an mi­khual dawn a, he inkhel aṭanga sum hmuhte hi LFC Foundation-ah a lut dawn a ni.

Liverpool tan kum 17 chhunga match 710 khel hman Gerrard chuan, "LFC Foundation legend charity match khelh hlan ka nghakhlel tawh a, Anfield hian ka thinlungah hmun pawimawh a chang reng tawh dawn a ni, " a ti a, he inkhelah hian Robbie Fowler chu captain niin Ian Rush chu player-ma­nager a ni thung ang.

Liverpoool Legends tana inlan turte: Ian Rush, Robbie Fowler, Gary McAllister, Luis Garcia, Daniel Agger, Patrik Berger, Jerzy Dudek, Stephane Henchoz, Jason McAteer, Vladimir Smicer, David Thompson, Sander Westerveld, John Aldridge, John Arne Riise, Phil Babb, Jamie Carragher leh Steven Gerrard.