Mizoram team-in bronze la
India ram huap naupangte tennis inelna, Khelo India Tennis Tournament khelh zawh takah Mizoram team chuan bronze medal pahnih an la.
February 11-16 chhunga Hyderabad khawpuia neih he inelnaah hian Mizoram State Sports Council bultumin mipa leh hmeichhe team tirh an ni a, U14-ah hian Mizoram team in bronze an lak bakah a duh apiang inlan theihna U14 doubles-ah Saitual Chawnpui Veng naupang Lalrinmawia leh Ramhlun Sports Complex naupang J.H Lalhruaizela ten bronze an la bawk.
He inelnaah hian India ram State hrang hrang aṭangin an tel kim hle a, Mizoram aiawha kal zingah U17 leh hmeichhe team ten medal an hlawh chhuak zo lo thung. Mizoram team te hi Sona Chhetri (Manager) leh Calvin Lalremsiama (Coach) ten an hruai.