India cricket team tan bonus?

February 23 khian India-in Maha­rashtra Cricket Association Stadium-ah Australia nen test match vawi li an khelh tura hmasa ber an khel dawn.

India hi ICC test ranking-ah pakhatna an ni mek a, test match hmasa bera Australia an hneh chuan ICC aṭangin dollar maktaduai khat an dawng ang. Khawvela cricket thuneitu sang ber ICC hian April 1-a ranking-a pakhatna hnehnah lawmman hi an pe ṭhin a, India hian test match hmasa bera hnehna an chan chuan pakhatna dinhmun hi an hauh chiang dawn a ni.

Tun hma chuan lawmman atana ICC pawisa pek zat chu $5, 00, 000 a ni a, kum 2015 aṭang khan a leta tih pun a ni.