Mercedes-ah James Allison
Ferrari technical director hlui James Allison chuan Formula 1 lama an khingpui Mercedes a zawm. Kum 48-a upa Allison hian July 2016 khan Ferrari a chhuahsan tawh a, Mercedes-ah hian Paddy Lowe hmunruak a luah dawn a ni.
James Allison hian Ferrari-a a hun hmasa zawk chu Michael Schumacher hunlai 2000-04 khan chief aerodynamicist niin a hmang a, Renault-ah insawin kum 2005 leh 2006-a a zawna Fernando Alonso champion nan a thawhhlawk hle. Kum 2013 khan Ferrari-ah kir lehin technical director a ni a, tunah chuan Mercedes lam a pui ve dawn ta thung.