Saina leh Sindhu inhmachhawn thei dawn

Badminton inelna upa ber All England Open Badminton Championship 2017 chu March 7-12 chhung hian khelh a ni leh tawh dawn a, Thawhlehni zan khan inkhel tur siamfel a ni. Saina Nehwal leh PV Sindhu te chu semifinal-a in­hmachhawn thei dinhmunah an ding.

Indian shuttler Saina Nehwal chuan a match hmasa berah cham­­pion lai Nozomi Okuhara a hmachhawn dawn a, London Olymic bronze medalist Mirza tan Japan nula lakah fimkhur a ngai ang.

Rio Olympic silver medalist PV Sindhu-i'n a match hmasa berah Mette Poulsen a hmachhawn dawn a, Denmark nula lakah harsatna a tawk lo tura ngaih a ni. Sindhu hian quarterfinal-ah world number 1 Tai Tzu Ying a hmachhawn dawn; a tlang chho zel a nih a, Saina a tlang bawk a nih chuan Indian shuttler pahnih hi semifinal-ah an inhmachhawn thei dawn a ni.

Indian tlangval zingah Kidambi Srikanth, Ajay Jayaram leh HS Prannoy te chu main draw-ah an lang phak vek a, Verma unau - Sourabh leh Sameer te erawhin qualifiers an khelh a ngai ang.

Indian badminton legend Prakash Padukone chu kuminah hian guest of honour a ni dawn a, kum 1980 champion hi March 11 leh 12-ah VIP guest speaker a ni ang.