Bilic-a'n pawisa a chawi dawn

West Ham boss Slaven Bilic leh a assistant Nikola Jurcevic-te chuan Football Association-in nungchang mawi loa puha thubuai an siamsak chu an pawm avangin pawisa chawi tura tih an ni a, Hammers manager-te hian £8,000 (Rs. 6,67,621) ve ve pawisa an chawi ang.

Croatian manager Bilic hi injury time-a Gareth McAuley-a'n West Brom si phurh sutna goal a khung ṭumin a thinrim insum zo loin TV microphone chu chhuatah a paih a, referee Michael Oliver chuan technical area-a a awm phal loin a hnawt chhuak tawh.

Hammers assistant Jurcevic hian Baggies laka Sofiane Feghouli goal khung offside vanga pawmsak a nih loh hnuah a thinrimna a thup zo lo a, technical area chhuahsana referee thutlukna a sawisel avangin Bilic rual hian thubuai siamsak a ni ve ta a ni.

West Ham chuan thuchhuah siamin, "Bilic leh Jurcevic te hian thubuai siamsak an nihna hi an pawm thlap a, pawisa chawi tura tih ni mah se February 25 zana Watford kan lenchilh hunah erawh player-te an ho thei ang," tiin an sawi.