Mizoram taekwondo team an hlawhtling

Open National Taekwondo Cham-pionship vawi 13-na khelh zawh takah Mizoram an che ṭha hle. India ram pum huap inelnaah hian gold medal panga, silver medal pali leh bronze medal pakhat an hlawh chhuak.

Mizoram hi a pumpuiah palina niin, inelna thlengtu Madhya Pradesh an champion. Mizoram chungah hian Uttar Pradesh leh Services te an awm bawk. Mizoram team hi Inrinniah an lo haw dawn, Mizoram Amateur Taekwondo Association chuan an lo hmuak dawn.

MATA team tirhte hi player 14 an ni a, poomsae inelnaah mi pathum telin Kyrogi huangah mi 11 an tel. Poomsae inelnaah gold medal pathum leh silver medal pahnih an la. Kyorugi inelna huangah gold medal pahnih, silver medal pahnih bakah bronze medal pakhat an la bawk.

Inelnaah hian state hrang hrang 31 aṭangin infiammi 1550 an tel. MATA chuan Mizoram tana medal la te a chhuang a, an hlawhtlinna chu state pum tan a nih thu an sawi.