Ram tan Ibra inlan dawn lo

June thlaa UEFA Nations League khelh turah Zlatan Ibrahimovic chu Sweden tan a inlan dawn lo. Team manager Janne Andersson chuan an striker palian tel loh tur thu hi a nemnghet tawh.

Ibrahimovic hi hliam vangin tun season-ah a buai, a dam hnuah pawh ngai a la awh leh lo. AC Milan striker hian January thla hnu lamah match khelh tluan a la nei lo, club tana inlan tam lo hi ram tan pawh chhawr luih chi a ni lo.

Ibra chungchang an zawhna chhangin Andersson chuan, "Tun ṭumah chuan Nations League atan chuah thutlukna kan la siam, nakin zela thil thleng tur chu hunin a la hril ang," tiin Ibra chu a chawl dawn tihna a la ni kher lo tih a sawi.

Sweden tan Ibrahi-movic hian match 121 a khelh aṭangin goal 62 a khung tawh a, ram tana goal khung hnem ber record chelhtu a ni. Ani bakah hian Rangers defender Filip Helander leh Sampdoria midfielder Albin Ekdal te chu koh an ni lo.

Group B4-ah Sweden hi awmin, Slovenia (June 3), Norway (June 6) leh Serbia (June 10) te bakah June 12 hian Norway an lenchilh ang.

Sweden Squad:
Goalkeepers: Andreas Linde (Greuther Furth), Kristoffer Nordfeldt (AIK), Robin Olsen (Aston Villa).
Defenders: Joel Andersson (Midtjylland), Ludwig Augustinsson (Sevilla), Hjalmar Ekdal (Djurgarden), Gabriel Gudmundsson(Lille), Emil Krafth (Newcastle), Alexander Milosevic (AIK), Joakim Nilsson (Arminia Bielefeld), Victor Nilsson Lindelof (Manchester United), Martin Olsson (Malmo), Carl Starfelt (Celtic).
Midfielders: Viktor Claesson (F.C. Copenhagen), Emil Forsberg (RB Leipzig), Jesper Karlsson (AZ Alkmaar), Jesper Karlstrom (Lech Poznan), Kerim Mrabti (Mechelen), Kristoffer Olsson (Anderlecht), Mattias Svanberg (Bologna).
Attackers: Anthony Elanga (Manchester United), Viktor Gyokeres (Coventry City), Dejan Kulusevski (Tottenham Hotspur), Robin Quaison (Al-Ettifaq), Alexander Isak (Real Sociedad).