Axelsen a inhnukdawk

Badminton world number 1 Viktor Axelsen chu Thailand Open aṭangin a inhnukdawk. A inhnuhdawh chhan hi hliam a neih vang a ni a, kar hmasaa khelh zawh tak Thomas Cup-ah khan a ke a tihliam a ni.

Thailand hian Impact Arena, Bangkok-ah kar hmasa khan Thomas leh Uber Cup an thleng, an inkhelhna hmun chu a nalin ke a phet duh hle niin a sawi. Denmark tlangval chuan, "Hliam tenau ka nei, ni sarih chhung vel chu ka chawlh a ngai dawn.

"Thailand Open khelh ngei tum mah ila ka thei ta lo, tunah chuan 100%-a dam leh turin ka inenkawl a ngai," tiin a sawi. A lo kir hun tur tak erawh a la sawi chiang thei bik lo a ni.

Axelsen a inhnuhdawh takah chuan seeded sang pahnih an tla nghal tia sawi theih a ni. World champion hlui Kento Momota chu Zhao Junpeng lakah 21-2, 21-11 a chak loin first round-ah a zinkawng a lo tawp tawh.

Japan tlangval Momota hi a hliam dam hnuah result ṭha a la nei hleithei lo. Thla hmasa pawh khan Asia Championship-ah hneh nei loin a lo tla nghal tawh bawk a ni.