Kolasib Football League vawiinah ṭan dawn

T. Ruala Memorial Kolasib Football League chu vawiinah khelh ṭan a ni dawn a, Kolasib District Football Asso­ciation buatsaih inelnaah hian first division club pariat an tel ang.

Regional Sports Training Centre, Saidan a inelna neih turah hian Project FC, PMFC, Vengthar GSA, FC Rengkhawpui, College Veng FC, Vengthar FC, Saidan GSA leh Ṭumpui GSA te an inkhel kual ang a, a sang pahnihin March 25-ah final an khel dawn a ni.

Vawiin Inkhel Tur
9:30 AM Project FC vs PM FC
11:30 AM Ṭumpui GSA vs Vengthar GSA
1:30 PM Saidan GSA vs College Veng GSA
3:30 PM Vengthar FC vs Rengkhawpui FC