Dan theih loh Dimitrov

Grigor Dimitrov chuan season duhawm a hman chhunzawm zel. Rotterdam World Tennis Tournament khelh mekah Dimitrov hian nimin khan Denis Istomin hnehin quarterfinal a lut.

Kum 25-a upa Di­mitrov hian Istomin lakah hian 7-6(7), 6-1 in hnehna a chang a, kuminah match 16 hnehna a channa chiah a ni a, Australian Open-a Rafael Nadal a hneh lo tih loh chu chak loh a la nei lo. Semifinal lut tur chuan David Goffin a paltlang leh a ngai ang.

World number 12 Di­mitrov chuan, "Denis hi Australian Open fourth round-ah khan ka lo hneh tawh a, khami ṭum pawh khan vannei takin hnehna ka chang - tun ṭumah pawh chutiang tho chu a ni," tiin a inchhuang lo hle.