Goal 50 khung thei Huntelaar

Schalke-in Toumba Stadium-ah PAOK 3-0 in an sawp a, Klaas-Jan Huntelaar-a'n goal khat a khung. Dutch forward Huntelaar hi UEFA club competition-a goal 50 leh a aia tam khung thei 16-na a ni.

Kum 33-a upa Huntelaar hian goal 50 khung tling turin match 81 a mamawh. UEFA hnuaia club inelnaah goal 100 khung tling an la awm lo a, Cristiano Ronaldo (98 Goals) leh Lionel Messi (96) ten record hlu bik hi an tlin teuh tawh hle.

Zlatan Ibrahimovic-a'n hattrick a siam zan leh Huntelaar-a goal 50 khung tlin zan hian Spanish veteran forward Aritz Aduriz pawhin goal a khung. Athletic Bilbao-in an mualah Apoel Nicosia 3-2 in an hneh a, kum 36-a upa Aritz Aduriz-a'n Spanish club goal hnihna a khung.