Haw tur mi 1,155 la awm
State páwna Mizoram mi tangkhangte buaipuitu Covid-19 Task Group on Migrant Workers & Stranded Travellers-in report an neih danin, Mizoram páwn aṭanga rawn haw tur mi 1,155 an la awm.
Covid-19 Task Group on Migrant Workers & Stranded Travellers hnena Mizo tangkhang haw duh inhriattir chu mi 13,114 an ni a, nimin thleng khan mi 11,964-in Mizoram an rawn thleng tawh. Kawnga thang mek mi pasarih an awm a, rawn la haw tur chhinchhiah zat chu mi 1,155 an ni.
Mizoram páwn aṭanga rawn haw zingah mi 5,405-in quarantine facility an chhuahsan tawh a, mi 6,559 an la awm mek thung.