Dan theih loh Hunthar

Zothan Atoworks Pro Volleyball League khelh laiah, hmahruaitu Hunthar chu dan theih lohin an kal fawr mek. League round match li an khelhah Hunthar hian hnehna an chang vek, an hma a ding apiang an ngam vek tihna a ni.

Ningani zana an inlan hmain Hunthar hian semifinal an lut chiang tawh, tlang tawh mah se an inthlahdah chuang lo. R. Dengṭhuama Indoor Stadium, Mualpuiah a tir aṭanga inkhel thunun chungin TNT chu 25-22, 25-20, 25-23 in an hneh.

Hunthar tan D3 Busi-ness Player of the Night atana thlan Gagan Kumar-a'n point 25 a nei a, player dang Laldensanga (17 points) leh Lalramnunfela (14) bakah setter Remsangzela te an hmuhnawm, thawhhona ṭha chu an chak chhan a ni.

League hmahruaitu an ni chiang a, vawi hnih champion tawh Hunthar hian semifinal-ah chuan table-a palina an hmachhawn dawn. An hma a ding chu tu pawh ni se, league round lama an hneh hnu an ni dawn, an huphurh hran lo ang.

Zanin hian a hmun ngaiah Durtlang North leh TNT an inhmachhawn leh dawn, nizan khan Chhinga Veng Spikers leh Tuichangral an inhmachhawn bawk. Nizan inkhel result a zirin semifinal lut team a hriat kim tawh dawn a ni.

Mipa
May 19, Ningani
Hunthar 3 - 0 Thutak Nunpuitu Team
(25-22, 25-20, 25-23)
D3 Business Player of the Night: Gagan Kumar, Hunthar
May 21, Inrinni
Durtlang North 08:00 PM Thutak Nunpuitu Team