Qatar Open champion Pliskova

Karolina Pliskova chuan Caroline Wozniacki hnehin a vawi khat nan Qatar Open nomawi a chawi a, Czech Republic hian kuminah WTA tile pahnih a lakna chiah a ni.

Inrinni zan final in­khelah Pliskova hian darkar khat leh minute 20 chhungin 6-3, 6-4 in world number 1 hlui Wozniacki lakah hnehna a chang a, tennis a khelh hun chhungin nomawi pariat a chawina niin kum­in January thla khan Brisbane International-ah a lo champion tawh bawk.

Kumin Qatar Open hi ruah surin an tih buai nasat avangin Pliskova hian quarterfinal, semifinal leh final te hi darkar 24 chhungin a khelh a ngaih phah. Australian Open quarterfinalist hian khuain a bumro vanga inkelh hun inhnaih lutuk chu hautak a tih thu a sawi.

Kum 23-a upa Plis­kova chuan, "Ka tan chuan chawlhkar hautak leh hahthlak tak a ni. Nikum khan US Open final ka lut a, kha khan inrintawkna min pe nasa hle. Kuminah kum bul ka ṭan ṭha em em a, Grand Slam inelnaah final lut ringawt loin nomawi chawi ngei ka tum," tiin major title lak a tum thu a sawi.