Aizawl FC U 18 chak chiang

I League Under 18-ah Aizawl FC-in Inrinni khan JRD Tata Stadium, Jamshedpur-ah Pride Sports FC chu 5-0 in an sawp.

Mizo club tan hian F. Lalremsanga leh sub­stitute Rochharzela ten goal hnih an khung a, Lal­nunsanga'n (Tale-a) goal khat a khung bawk.

Aizawl FC hi Rest of India Zone Group B-ah Tata Football Academy, North Eastern Re Organising Cultural Association (NE­ROCA) leh Pride Sports FC te nen group khatah an awm a, team khat chiahin final round an lut ang.

Inrinni inkhel danga­h TATA Football Academy-in Manipur club NEROCA chu 3-1 in an hneh a, TFA tan Mohammad Mobashir-a'n goal hnih a khung bakah Md. Firoz Khan-a'n goal khat a khung. Manipur club goal awm chhun hi Heisnam Sailesh Singh khung a ni.

Aizawl FC hian vawi­in chawhma dar 10:00 hian inelna thlengtu TFA an hmachhawn ang a, he result hian final round lut tur a hril ang.

Thlirna Tawi
TATA Football Academy 3 - 1 NEROCA
TFA : Mohammad Mobashir 11', 83'; Md. Firoz Khan 90'
NER : Heisnam Sailesh Singh 38'
Aizawl FC 5 - 0 Pride Sports FC
AFC : F. Lalremsanga 35', 62'; Lalnunsanga 74'; Rochharzela 60', 86'