NBA All Star Game Robinson-a'n a dunk thiam ber

Indiana Pacers forward Glenn Robinson III chuan final dunk-ah point 50 hmuin NBA All-Star Game's slam dunk title a la. Pathianni zing khan Robinson hian a teammate Paul George, club mascot leh Pacer cheerleader zuan khumin Phoenix Suns forward rookie Derrick Jones a hneh.

Kum 23-a upa Robinson chuan,"Inelna boruak danglam siam ka duh a, miten an la hmuh ngai loh siam kha ka tum a ni," tiin a sawi. Kumin Slam Dunk Contest-ah hian Los Angeles Clippers star DeAndre Jordan leh Orlando Magic forward Aaron Gordon te an inlan ve bawk.

Basketball ngainatute nghahhlelh New Orleans a neih All Star Game-ah hian feet sarih leh inches thuma sang Kristaps Porzingis chuan Skills Challenge title a la bawk. Three-Point Contest-ah nikuma pakhatna Golden State Warriors star Klay Thompson-a'n beisei a phak lo a, Houston Rockets guard Eric Gordon chu pakhatna niin Cleveland Cavaliers guard Kyrie Irving chu pahnihna a ni thung.