India U17 coach Constantine

All Indian Football Federation (AIFF) chuan World Cup 2017 khel tur India Under 17 coach nilai Nicolai Adam an ban hnuah German coach hmun ruak luah tur an hmu lawk thei rih lo a, coach thar tur an thlithlai chhunga India U17 enkawl tur hian senior team coach Stephen Constantine chu an ruat lailawk.

Rwanda coach hlui hian Indian rawlthar rual enkawl tur hian nimin khan Goa lama training camp a pan a, kar khat chhung training a neihpui dawn nia sawi a ni. Tun season ṭan dawna League One club ṭhenkhat aṭanga sawmna hmu nia an sawi coach hian, "India Under 17 hi ka thuhnuaia awm a ni lo a, an chungchangah sawi tur ka nei lo. Mahse, AIFF hnenah puih an mamawh phawt chuan pui tura ka inpeih thu ka hrilh a ni," tiin a lo sawi tawh a, Indian FA hian coach thar an zawn chhung atan Constantine hi an pun ta nge nge a ni.