AICS badminton khel zo

Central Civil Services Cultural and Sports Board buatsaiha neih All India Civil Services Badminton championship chu nimin khan R. Dengṭhuama Hall, Mualpuiah khelh zawh a ni ta. Men's Team Championship-ah RSB Chandigarh chuan 3-0 a RSB Ahmedabad hnehin an thiam ber a, Women's Team Championship-ah RSB Bengaluru in 2-0 a RSB Kolkata hnehin an champion thung.

India ram hmun hrang hranga sorkar hnathawkte badminton-a inelna lian berah hian Men's Team Championship bikah team 37 lai chhuakin Women's Team Championship-ah team 29 an chhuak bawk a, Open Tournament khelh a ni bawk.

Open inelnaa Mizoram dinhmun
Men's Singles
Silver : Azyu Ismael, Civil Secretariat
Women's Doubles 40+
Silver : Vanhmingthangi & Zodinsangi, Civil Secretariat
Men's Singles 45+
Bronze : Malsawmkima, Civil Secretariat, Mizoram
Men's Doubles 45+
Bronze : H. Lalremruata & Lalzarzova,
Civil Secretariat Mixed Doubles 45+
Silver : Lalrinawma & T. Vanlalruati, RSB
Bronze : Zabiakthara & Zosangzuali, RSB