Tsong-a'n Berdych a hneh

Kumina a vawi hnih nan Tomas Berdych a chak lo. Inrinni zan khan Czech Republic tlangval hi Jo-Wilfried Tsonga hneh loin Rotterdam Open semifinal-ah a tla. Tsong-a hian pro­fessional match a khelh hnuah vawi 400 hneh­na a channa chiah niin mellung pawimawh a phum.

French star Tsonga hian darkar khat leh mi­nute 12 chhungin 6-3, 6-4 in kum 2014 champion Berdych lakah hnehna a chang a, kumina a vawi khat nan nizan khan ATP World Tour title lak tumin David Goffin a hma­chhawn zui leh a, result kan hre hman lo.

Semifinal pakhat zawk­ah Goffin chuan Dominic Thiem hnehtu Pierre-Hugues Herbert chu 6-1, 6-3 in a lo hneh ve bawk a, Goffin hian a service hloh miah loin nuamsa takin hnehna a chang.