Thawnthu ngaihnawm a tawp - City an champion

Manchester City ropuina hmaah Liverpool-in Premier League tawpna nia thilmak an beisei chu a thamral a, Pep Guardiola naute chu Premier League champion an ni ta.

Pathianni zana league match tawp ber khelh a nih hmain City leh Reds inkarah point khat chiah a awm - City tan champion turin Aston Villa laka chak a tawk a, Liverpool tan Wolverhampton Wanderers laka chak bakah City-in point an hloh a ngai tel thung.

Etihad Stadium-ah thilmak a thleng dawn niin a lang hman. Villa-in Matty Cash leh Philippe Coutinho hmangin minute 75 thlengin 2-0 in hma an hruai - mahse, Ilkay Gundogan goal hnih leh Rodri goal hmangin City-in an chhanglet a, 3-2 in an chak daih.

Villa laka 2-0 a City an hnufual lai khan Reds-in 1-1 in Wolves an inhnehtawkpui a, goal khat khung belh se Liverpool hi champion thei an ni - mahse, City an chak a, Reds tana Sadio Mane, Mohamed Salah leh Andy Robertson goal khung chu engmah lo a chang zo.

A goal hma
Pathianni zan dar 8:30-ah, Anfi eldah Liverpool leh Wolves an inkhel a, Etihad Stadium-ah Manchester City leh Aston Villa an inkhel thung - champion beisei team pahnih an inlan a, boruak chu sang tak a ni. 

Liverpool tan champion turin Wolves hneh bakah, Villa-in City an chelh a ngai - mahse, chak piahlama midang puih mamawh Liverpool-in hma takah goal an chhuah nghal! Wolves keeper Jose Sa ball thlawh luh chu Raul Jimenez chuan la lutin, vengtu nei lo Pedro Neto tan a siamsak
a, Liverpool keeper Alisson Becker tan tih theih a awm lo - minute thumnaah goal an chhuah.

Khelmual sirah za lo takin Klopp a nui a, tlang sang tak lawn turin a hmuak tih a hai lo. Mahse, Reds player-ten na takin an nawr let a, Luis Diaz, Joel Matip leh Naby Keita ten chance duhawm tak nei mah se, goal-ah an chantir thei lo.

Beiseina siamtu Mane
Liverpool-in goal an khung thei lo chungin na takin an nawr reng a, an thawhrim rah an seng ta nge nge. Ibrahima Konate ball pek chu  iago
Alcantara chuan mawi zetin Mane tan a siamsak a, Senegalese forward hian ṭha taka um lutin goal-ah a chantir - minute 24-na a ni.

Hetihlai hian Manchester City-in Aston Villa chu na takin nawr mah se goal an khung thei lo a, Steven Gerrarda'n a club hmangaih Liverpool champion tir ngei tum chungin a player-te hnung lamah a behtir thlap a, City-in harsa an ti hle.

Minute 37-na a ni a, thilmak a thleng. Villa-in counter attack hmangin City an nawr let thut a, defender Lucas Digne chuan ṭha taka ball a tlan luhpui hnuin Matty Cash tan a siamsak.

Kum 24 mi Cash hian Liverpool fans lawmna turin ṭha takin a lo tauh lut a, Ederson-a'n khawih thawi mah se a dang zo lo. Khelmual sirah Gerrard-a'n a kut hum ruh chungin goal khung a lawm a, Anfield thawm a ring a, Etihad lam a reh thung.

City an buai
Pep Guardiola leh a nauten goal an chhuah a, an hmelah an zam tih hai rual a ni lo. A bik takin tlarhnung laiah captain Fernandinho a talbuai a, Reuben Dias inhliam vanga lut midfi elder hi City tan chuan an 'panna' lai a ni. Villa-in goal an khung hnuah City an zuam sawt a, Fernandinho-a'n Ollie Watkins dan a harsat - kum 26 mi forward lakah Fernandinho a mualpho a, English striker laka a foul ngei lang referee Michael Oliver-a'n a ham lote chu a vannei hle.

Minute 43-na a ni a, Fernandinho bawkin Watkins a veng zo lo, English striker hian chak taka tlanin goal a khung ngei dawn niin a lang hman.
Mahse, John Stones-a pressure pekna hnuaiah Watkins a talbuai a, chance duhawm a hlah.

First half hun pek belhah City-in chance an nei a, mahse, uanpui tham chance a ni lo. Aymeric Laporte ball tauh naran tak chu Villa second choice keeper Robin Olsen tan dan harsa a ni lo. City tan target-a an shot hmasak ber a ni!

Boruak a sang
Second half ṭan a ni a, City leh Liverpool goal nawr a na takzet - City tan Kevin De Bruyne leh Gabriel Jesus ten chance duhawm an nei a, mahse, hun harsaah an team tan lawmna an thlen thei lo.

Hetihlai hian Liverpool-in goal khungin hma an hruai...leh lo! Diogo Jota siamsak chu Mane-a'n mawi takin a khung a, mahse, an goal khung lawm chhung a rei lo - linesman-in fl ag a phar a, Mane a off side. Liverpool-in chance nei zui mah se Wolves defender buai karah an khung
thei bik lo a, inkhel lehlamah Villa tan City laka player hnawksak Watkins chuan uiawm takin chance a hlah bawk.

Team pahnihin goal khung an mamawh - City-in Riyad Mahrez la chhuakin Raheem Sterling an luhtir a, Liverpool-in Jota la chhuakin hliam
damkawr Mohamed Salah an luhtir thung.

A sawhkhawk
Minute 69-naah thilmak a thleng nawn - Villa keeper Olsen-a goalkick lo changtu Watkins-a'n Philippe Coutinho tan a pe a, Brazilian midfielder hian Aymeric Laporte a bum hnuah mawi lutukin a khung!

City tlarhnung an talbuai tih a lang a, tlarhma an danglam chuang lo. Mahse, minute sarih a liam a, Pep-a substitution siamin awmzia a nei - bench aṭanga a luhtir pahnihin goal an rawn hlawh chhuak.

Raheem Sterling-a'n Digne a bum hnuah ṭha takin ball a cross a, amah ang thoa bench aṭanga luhtir Gundogan chuan goal-ah a lo chantir; City-in si phurh an sut ṭhen a, Liverpool-in goal an khung thei lo thung.

A la tawp lo - goal an khung aṭanga minute hnih hnuah City tan Rodri chuan a rawn khung leh a, 2-2 a ni der! An la duhtawk lo cheu - Gundogan a phur laklawh a, minute 81-naah an goal thumna a khung a, 3-2 a ni.

Tih theih tawk
Liverpool-in hnehna chang pawh ni se City-in hma an hruai mek avangin Reds tan champion ngaihna a awm tawh lo. Mahse, Merseyside club hian second tlemtêah thil a danglam thei reng tih an hria a, goal khung an tum.

Bench aṭanga luhtir Salah chuan minute 84-naah tun season-a a goal 23-na a rawn khung ve leh a, 2-1 a ni. Hetihlai hian 3-2 in City-in hma an la hruai a, fi amthu duh fal fan pakhat a che zeuh!

Minute 85-naah Anfi eld thawm a ri huk - City-in goal an chhuah leh nia sawi a awm vang a ni! Mahse, Reds fans an lawm sual a, City-in goal an chhuah tawh lo. Liverpool tan Andy Robertson chuan minute 89-naah chak nemnghehna a khung a, mahse, hei hian Liverpool dinhmun a tidanglam pha lo - City leh Reds an chak ve ve a, a tawpah point khata sangin City an champion.

Premier League roreltu Man City
Manchester City-in kum 2011-12 season khan Roberto Mancini hoin a vawi khat nan Premier League nomawi an chawi a, kum 2013-14 season khan Manuel Pellegrini hoin a vawi hnih nan nomawi an chawi.

Kum 2016 khan Pep Guardiola-a'n Man City a enkawl a, season khatnaah nomawi a chawi lo. Season hnihna aṭangin engkim a danglam ta.
Inelna harsa tiha an sawi Premier League-ah season nga chhungin vawi li a champion. Tun season hi a zawna vawi hnih an champion-na a ni a, a karah Liverpool an tla zep. Pep-a hoten nomawi an chawi loh ṭum hian pahnihna an ni.