KDB a thiam ber

Manchester City midfi elder Kevin de Bruyne chu tun season Premier League player ṭha berah thlan a ni a, City tana a khelhpui Phil Foden chu Young Player of the Season atan thlan a ni bawk.

Kum 30 mi KDB hian City tan tun season-ah league match 29 khelin goal 15 a khung a, assist vawi sarih a nei bawk. Belgian midfi elder chuan, "A vawi hnih nana Premier League Player of the Season ka ni thei hi ka inchhuang takzet a ni," a ti a, 2019-20 season pawh khan he chawimawina hi a lo dawng tawh.

KDB hma hian Thierry Henry, Cristiano Ronaldo leh Nemanja Vidic te chuan Premier League Player of the Season chawimawina hi vawi khat aia tam an lo dawng tawh bawk. Tun season-a chawimawina dawng tur hian KDB bakah City defender Joao Cancelo, Liverpool player Mohamed Salah & Trent Alexander-Arnold, West Ham forward Jarrod Bowen, Arsenal forward Bukayo Saka, Tottenham forward Son Heung-min leh Southampton midfielder James Ward-Prowse te hming chhawpchhuah a ni.

Premier League club 20 captain leh football expert thlan bikte bakah Premier League website kaltlangin fan-ten vote an thlak bawk a, a tawpah KDB a dingchang ta a ni.

Young Player of the Year atana a zawna thlan hmasak ber Foden-a'n tun season-ah league match 27 khelin goal kua a khung a, assist vawi nga a nei bawk.

Kum 21 mi Foden hian kum 23 hnuai lam zinga player ṭha ber ni tur hian Alexander-Arnold, Chelsea (Crystal Palace, loan) midfi elder Conor Gallagher, Palace full-back Tyrick Mitchell, Chelsea midfielder Mason Mount, Arsenal player Aaron Ramsdale & Saka bakah West Ham midfielder Declan Rice te a khum.